साझा हस्पिटल प्रा.लि. बुटवलसंगको सहकार्यमा सैनामैना नगरपालिकाको वडा १० सालझण्डीमा रहेको पशुपति माध्यमिक विद्यालयमा शनिवार बृहत् स्वास्थ्य शिविर सम्पन्न भएको छ ।

स्वास्थ्य शिविर शुभारम्भको अवसरमा बोल्दै लुम्बिनी प्रदेशका सामाजिक विकास मन्त्री सिके गुप्ताले प्रदेश सरकारले गाउँघरमा रहेका उत्कृष्ट सामुदायिक विद्यालयहरुलाई सहयोग गर्ने प्रतिवद्धता जनाउनु भयो । उहाँले विपन्न समुदायका बालबालिका शिक्षाबाट बञ्चित हुन नपरोस भन्ने सरकारको उद्देश्य रहेकोले विद्यार्थीहरु शिक्षित भए भने रोजगारीका लागि विदेश जानु नपर्ने र नेपालकै माटोमा केही न केही काम गरेर बस्न सक्ने बताउनु भयो ।

त्यसैगरी कार्यक्रममा साझा हस्पिटल प्रालिका अध्यक्ष गोविन्द खनालले यस क्षेत्रको स्वास्थ्यमा जागरण ल्याउन र विद्यालयका नानी बाबुहरु, शिक्षक, अभिभावक सवैको स्वास्थ्यमा सचेतना तथा सुधार ल्याउन यो शिविर महत्वपूर्ण हुने विश्वास ब्यक्त गर्नुभयो ।

साझा हस्पिटल प्रालिले विगतदेखि नै स्वास्थ्य शिविरलाई प्राथमिकता दिदै आएको बताउँदै पशुपति माविमा उत्कृष्ट र अन्य स्थानमा भन्दा फरक शिविर आयोजना गरिएको र यसबाट धेरैले सेवा लिने अवसर पाएको बताउनु भयो ।

त्यसैगरी विद्यालय व्यवस्थापन समितिका अध्यक्ष हरि पोखरेलले विद्यालयमा नयाँ नयाँ योजना अनुसारको नयाँ नयाँ काम गर्दै जाने आफूहरुको प्राथमिकता रहेको उल्लेख गर्दै अरु दिनमा पनि स्वास्थ्य उपचार ि