DCIM100GOPROGOPR0179.JPG

साना साना तालिमले पनि महिलाहरुलाई आयआर्जन गरि जीविकोपार्जन गर्न सहयोग पुग्ने सैनामैनामा आयोजित एक कार्यक्रममा औंल्याइएको छ ।

लुम्बिनी तिनाउ सामुदायिक पुस्तकालय तथा श्रोत केन्द्र सैनामैना ८ को आयोजनामा सोमबार १० दिनसम्म संचालन भएको फुल्की बनाउने तालिमको समापनको अवसरमा उक्त कुरा औंल्याइएको हो । सैनामैना नगरपालिकाको महिला संग उपप्रमुख कार्यक्रम अन्तरगत फुल्की बनाउने तालिम भएको हो । तालिममा स्थानीय २७ जना महिलाको सहभागिता रहेको थियो ।

समापन कार्यक्रममा सैनामैना नगरपालिका उपप्रमुख बिना राना, सैनामैना नगरपालिका महिला तथा बालबालिका शाखा प्रमुख तुलसा ज्ञवाली, पुस्तकालयका अध्यक्ष गोपाल भण्डारी, पुस्तकालयकी कल्पना गैरे लगायतले बोल्दै फुल्की बनाउने तालिमबाट महिलाहरुलाई आयआर्जन गर्न सहयोग पुग्ने बताउँदै सहभागीहरुले समेत तालिमबाट सिकेको सीप व्यवहारमा लागू गर्ने प्रतिवद्धता जनाएका छन ।
फुल्की बनाउने तालिमको सहजीकरण देवलाल गिरीले गर्नुभएको थियो ।

DCIM100GOPROGOPR0178.JPG