सैनामैना दलित उत्थान समिति रुपन्देहीको तेश्रो साधारण सभा तथा दोश्रो नगर अधिवेशनले अधिवेशनले जयलाल बिकको अध्यक्षतामा २१ सदस्यीय नयाँ समिति चयन गरेको छ । जसको उपाध्यक्षमा समुन्द्र भित्रकोटी, महिला उपाध्यक्षमा सिता दर्नाल, महासचिव माया रसाईली, सचिव कमला सुनार र कोषाध्यक्ष मित्रकुमार बुढाप्रिथी लगायत सदस्यहरु निर्वाचित हुनुभएको हो ।

सैनामैना दलित उत्थान समिति रुपन्देही अध्यक्ष अम्बिका परियारको अध्यक्षतामा भएको कार्यक्रममा अध्यक्ष परियारले दलितमाथिको विभेद अझै रहेको बताउँदै दलितमाथि विभेद हट्यो भनेपनि त्यो व्यवहारमा नदेखिएको बताउनु भयो । उहाँले दलितमाथि धेरै चुनौति रहेको बताउदै दलित समुदाय मिलेरै अघि बढेर चुनौति पार गर्नुपर्नेमा जोड दिनुभयो ।

त्यसैगरी कार्यक्रमको अवसरमा दलित उत्थान समितिका उपाध्यक्ष जयलाल बिकले समाजबाट अझैपनि छुवाछुत समाप्त नभएको बताउँदै दलितमाथि हुने विभेद अन्त्यका लागि दलित उत्थान समिति लागिरहने प्रतिवद्धता जनाउनु भयो । समितिको तेश्रो साधारण सभा तथा दोश्रो नगर अधिवेशन सैनामैना ६ मेघा तालमा भएको हो ।