बिहादी गाउँपालिका वहाकीठाँटी पर्वतको आयोजनामा यही चैतको २७ गते बृहद निशुल्क विशेषज्ञ स्वास्थय शिविर आयोजना हुने भएको छ । नेपाल तारा मावि विहादी ३ रानीपानीमा हुने शिविरमा काठमाण्डौं मेडिकल कलेज पब्लिक लिमिटेड सिनामंगल काठमाण्डौंको प्राविधिक सहयोग रहेको छ ।

यसैबीच विहादी गाउँपालिकाका अध्यक्ष प्रविन गुरुङले पालिकाले आयोजना गरेको निशुल्क स्वास्थ्य शिविरमा उपस्थित भएर उपचार सेवा लिन विहादी गाउँपालिकाका साथै छिमेकी गाउँपालिकाका नागरिकलाई समेत अनुरोध गर्नुभएको छ ।

विहान ८ बजेदेखि सुरु हुने स्वास्थ्य शिविर साँझसम्म संचालन हुने र शिविरमा आउन जानको लागि बृद्धबृद्धा तथा अपांग भएका ब्यक्तिहरुलाई निशुल्क यातायातको व्यवस्था गरिएको छ । शिबिरमा जनरल मेडिसिन, बालरोग, मानसिक तथा नशारोग, छाला तथा यौन रोग, आँखा रोग, इसिजी, ल्याब टेष्ट सेवा, स्त्रीरोग, शल्यक्रिया, हाडजोर्नी तथा नशा, नाक, कान, घाँटी, दन्त रोग, भिडियो एक्सरे र मुटुरोगको जाँच तथा उपचार हुने पालिका अध्यक्ष गुरुङले बताउनु भयो । पालिकाले स्वास्थ्य जाँचका साथै अपरेशन गर्नुपरेको अवस्थामा पनि निशुल्क अपरेशन सेवा उपलब्ध हुने जनाएको छ ।