खुशीयाली जिवनका लागी सुसस्कार भन्ने नारा लिदै सैनामैना वडा नं ४ मा रहेको सिसौ डाडा शान्ति टोल बिकास संस्था ले एक दिने उत्प्रेणात्मक कार्यक्रम सम्पन्न गरेको छ । कार्यक्रममका प्रमुख अतिथि सैनामैना ४ का वडा अध्यक्ष राम प्रसाद अधिकारीले खुसीयाली जिवन जिउजको लागि तनाव मुक्त समाज निमार्ण गदै मानिसको दैनिक जिवनमा आइपर्ने समस्यालाई समाधान गर्नको लागि सधै सकारात्मक सोच राख्नु पर्ने कुरामा जोड दिएका थिए ।

त्यस्तै संस्थाका अध्यक्ष तिलकराम पन्थले समाजमा रहेका बालबालिका देखी बृद्दा सम्ममा नैतिक शिक्षा दिन सकियो भने सुसंस्कार युक्त समाज निमार्ण गर्न सकिन्छ भन्ने विश्वासका साथ कार्यक्रम गरिएको बताउनुभएको थियो ।

हरेक व्यक्ति व्यक्तिमा नैतिक आचरण र प्रत्येक समाजमा सुशासन हुन जरुरी रहेको हुदा यो कार्यक्रम आयोजना गरिएको संस्थाकी सचिव लक्ष्मी श्रेष्ठले बताउनुभएको थियो ।

अन्तर्राष्ट्रिय प्रशिक्षक तथा योग गुरु ऋषिराम न्यौपानेले प्रशिक्षण दिनु भएको कार्यक्रममा सैननामैना ४ की वार्ड सदस्य निसा परियार, पैरवी आमा समुह तथा समाजसेवी सीता जिंसी, सिसौ डाँडा कृषक समुहका अध्यक्ष कृष्ण बाहादुर थापा, समाजसेवी कर्ण बहादुर कार्की लगायत टोलमा रहेका बालबालिकाका देखी बृद्धा सम्मको सहभागीता रहेको थियो । सिसौ डाडा शान्ति टोल बिकास संस्था सैनामैना ४ को सभाहलमा सम्पन्न कार्यक्रममा संस्थाका सदस्य प्रेम श्रीसको स्वागत रहेको थियो ।