सैनामैना नगरपालिका ७ रुपन्देहीमा रहेको देउवापार ब्वाईजले शुक्रवार रक्तदान कार्यक्रम आयोजना गरेको छ । रक्तदान कार्यक्रममा ६६ युनिट रगत संकलन भएको छ ।
रक्तदान कार्यक्रमको उदघाटन गर्दै सैनामैना नगरपालिकाका प्रमुख फणेन्द्रप्रसाद शर्माले आजका युवाहरुमा रक्तदानको जागरुकता आउनु महत्वपूर्ण कुरा भएको बताउँदै यो जागरणले गर्दा धेरै युवाहरु सामाजिक क्षेत्रमा पनि नेतृत्व प्रदान गरिरहेको बताउनु भयो ।

उहाँले क्लवमा आवद्ध भएका युवाहरुलाई रक्तदानसंगै अरु विकास निर्माणका कामदेखि लिएर सचेतनाका कुराहरु र दुव्र्यसनविरुद्धको अभियानमा समेत सकृयता देखाउन आग्रह गर्नुभयो ।

देउवापार ब्वाईजका अध्यक्ष नारायण न्यौपानेको अध्यक्षतामा भएको रक्तदान कार्यक्रमको संयोजक मनिष घिमिरे हुनुहुन्थ्यो भने संचालन देउवापार ब्वाईजका सचिव बिशाल पौडेलले गर्नुभएको थियो ।