रुपन्देहीको सैनामैना नगरपालिकाका कृष्णप्रसाद श्रेष्ठ (काले कृष्ण) ले माल्दिभ्सको मालेमा भएको १४ औ साउथ एशियन बडिबिल्डिङ एण्ड फिजिक्स प्रतियोगिताको ८० केजी तौल समूहमा दोश्रो स्थान हासिल गर्न सफल भएका छन ।

माल्दिभ्सको मालेमा भएको उक्त प्रतियोगितामा रुपन्देहीको सैनामैनाका कृष्णप्रसाद श्रेष्ठ (काले कृष्ण) दोश्रो भई रजत पदक जित्न सफल भएपछि उनलाई सामाजिक सञ्जालमार्फत बधाई दिनेको ओइरो नै लागेको छ ।

८० केजी तौल समूहमा दोश्रो हुन सफल कृष्णप्रसाद श्रेष्ठ (काले कृष्ण) लाई केही दिन अघि जिल्ला पावर लिफ्टिङ संघ र सैनामैना नगरपालिकाले अग्रीम सफलताको शुभकामना दिदै बिदाई गरेका थिए ।

यसअघि ५५ औ एशियन शारिरिक सुगठन च्याम्पियनसिप २०२३ मा सेकेण्ड रनरअप रहेका श्रेष्ठ माल्दिभ्सको मालेमा आईतबारदेखि सुरु भएको प्रतियोगितामा ८० केजी तौल समूहमा दोश्रो हुन सफल भएका हुन ।

सैनामैना घर भएका श्रेष्ठले दोश्रो स्थान हासिल गरेको भन्दै सामाजिक सञ्जालमा उनलाई खेलको माध्यमबाट सैनामैनाको इज्जत र गरिमा बढाएको भन्दै बधाई दिइएको छ ।