रुपन्देहीको सैनामैना नगरपालिका ८ मा रहेको दुधराक्ष देबीस्थान खानेपानी उपभोक्ता तथा सरसफाई संस्थाको पाँचौ साधारण सभा बुधबार सम्पन्न भएको छ । साधारण सभाको उदघाटन गर्दै लुम्बिनी प्रदेशका भौतिक पूर्वाधार विकास मन्त्री भूमिश्वर ढकालले पहाडबाट तराईमा बसाईसराई गर्नेहरुको संख्या एकदमै बढेकोले थपिएका घर बस्तीसम्म खानेपानीको सुविधा पु¥याउनुपर्ने चुनौति सरकारसमक्ष रहेको बताउनु भयो । उहाँले भूमिगत खानेपानीको सतह घट्दै गएकोले खानेपानी कसरी रिचार्ज गर्ने भन्ने बिषयमा सरकारले सोच्नुपर्ने समस्या आएको बताउनुभयो ।

मन्त्री ढकालले उपभोक्ताहरु समेत चनाखो हुनुपर्ने बताउँदै जनताले स्वच्छ पानी नपाएको अवस्थामा समितिलाई खबरदारी गर्नुपर्ने बताउनुभयो । उपभोक्तालाई सकेसम्म कम मूल्यमा धेरै खानेपानीको सुविधा उपलब्ध गराउनेतर्फ समितिको ध्यानाकर्षण गर्दै मन्त्री ढकालले खानेपानीको अभावमा कोहीपनि बञ्चित हुनु नपरोस भन्नुभयो ।
कार्यक्रममा खानेपानी सव डिभिजन कार्यालय रुपन्देहीका प्रमुख राजकुमार चौधरीले पछिल्लोसमय खानेपानीको लागि भूमिगत सतहको पानी सुक्दै गएकोले चापाकलबाट खानेपानीको सुविधा लिने उपभोक्तालाई समस्या परेको बताउँदै डिप ट्यूववेलको विकल्प नरहेको उल्लेख गर्नुभयो ।
दुधराक्ष देबीस्थान खानेपानी उपभोक्ता तथा सरसफाई संस्थाका अध्यक्ष ऋषिराम पाण्डेको अध्यक्षतामा भएको साधारण सभामा विभिन्न व्यक्तिहरुले शुभकामना दिदै स्वच्छ खानेपानीको सुविधा पु¥याउन र उपभोक्तालाई सहुलियतमा ध्यान दिन आग्रह गर्नुभएको थियो ।