रुपन्देहीको सैनामैना नगरपालिका ८ शान्तिटोल स्थित गणेशटोलमा गणेश पुराण महायज्ञ विहिबारदेखि सुरु भएको छ ।
महायज्ञकै अवसरमा सामूहिक ब्रतबन्ध, ग्रहशान्ति, चौरासी पुजा, तुलादान, गौदान, लघुरुद्री तथा लाखबत्ती प्रज्वलन र अखण्ड किर्तनको कार्यक्रम समेत हुने भएको छ ।

महायज्ञमा प्रमुख कथाबाचकको रुपमा आध्यात्मिक प्रखरबक्ता गुरु ऋषिकेश उपाध्याय रहनु भएको छ भने उपबाचकमा गुरु सुदर्शन रहनुभएको छ । महायज्ञ शुभारम्भको अवसरमा बोल्दै विशिष्ट अतिथी राजयोगिनी कमला दिदीले समाजलाई सतमार्गमा अघि बढाउन, असल चिन्तन र अभ्यास सिर्जना गर्न महायज्ञको ठूलो भूमिका रहेको बताउनु भयो । उहाँले जुन उद्देश्यका साथ महायज्ञ सुरु भएको छ, यसमा सफलता प्राप्त हुने विश्वास ब्यक्त गर्नुभयो ।

महायज्ञको कार्यक्रम संचालन सागर लम्सालले गर्नुभएको छ भने कमला अधिकारी संकल्पकर्ता रहनुभएको छ । त्यसैगरी शृंगारिक आरतीमा दुर्गाप्रसाद भट्टराई संयोजनको भूमिकामा रहनुभएको छ । महायज्ञकै अवसरमा मोहन काफ्ले, राम थापा, चन्द्र बराल मगर र पोषण श्रेष्ठले गीत संगीत प्रस्तुत गर्ने कार्यक्रम रहेको छ ।