बुटवल १२ तामनगरमा रहेको रम्भादेवी सेककेण्डरी स्कुलले शनिवार पुरस्कार वितरण तथा बृहद् सांस्कृतिक कार्यक्रम गरेको छ ।
कार्यक्रममा २०८० सालमा नर्सरीदेखि कक्षा ९ सम्म अध्ययन गरि पास भएका विद्यार्थीहरुलाई पुरस्कार वितरण गरिएको थियो ।

त्यसैगरी सोही अवसरमा खेलकुद सप्ताहमा आयोजना गरिएको अभिभावकहरुको खेलमा विजयीहरुलाई पुरस्कार तथा प्रमाणपत्र प्रदान गरिएको थियो । त्यसैगरी कक्षा ८ मा फोर जिपिए ल्याउने दुई विद्यार्थीलाई समेत सम्मान गर्नुका साथै उत्कृष्ट शिक्षक, कर्मचारी र शत प्रतिशत नतिजा दिने शिक्षकहरुलाई पनि सम्मान गरिएको थियो ।

त्यसैगरी चारवटा हाउसमध्ये प्रथम हुने ग्रीन हाउलाई यो सालको हाउस अफ दि इएर घोषणा गरि पुरस्कार तथा सम्मान दिइएको थियो ।
कार्यक्रममा प्रमुख अतिथि बुटवल उपमहानगरपालिकाका शिक्षा शााखा प्रमुख टिकाराम पन्थी, विद्यालयका प्राचार्य केशव श्रीस, विद्यालय व्यवस्थापन समितिका अध्यक्ष सूर्यवहादुर भट्टराई, विद्यालयका प्रवन्ध निर्देशक मनोजकुमार बस्नेत, बुटवल १२ का वडा अध्यक्ष डिल्लीप्रसाद शर्मा आचार्य, अभिभावकतर्फबाट देवी न्यौपाने लगायतले बोल्नुभएको थियो ।

कार्यक्रममा स्वागत मन्तब्य विद्यालयका सह प्राचार्य कमल खनालले गर्नुभएको थियो भने कार्यक्रमको संचालन शिक्षक प्रकाश भट्टराईले गर्नुभएको थियो ।