रुपन्देहीको कञ्चन गाउँपालिका वडा नंं १ सुन्दरनगर रातोडाँडामा २१ बर्षीय युवक सरोज परियारले आफ्नै आमा अन्दाजी ४१ बर्षीया पार्वती परियारको हत्या गरेका छन ।
विहिवार विहान करिव साढे एक बजे आफूले आमाको हत्या गरेको भन्दै सरोजले छिमेकीहरुलाई विहिवार विहानमात्रै जानकारी गराएका थिए ।
छिमेकी स्थानीय एक महिलाका अनुसार आमाको हत्या गरेपछि सरोजले आफू पुलिस चौकीमा जानकारी दिन आएको भन्दै आमाको आँखा फुटालेको बताएका थिए ।
छिमेकीका अनुसार सरोज पहिलेदेखि नै आपराधीक गतिविधिमा संलग्न रहेको र प्रहरीले समेत उनलाई पटकपटक पक्राउ गर्दै छोडदै आएको थियो । स्थानीय छिमेकीहरुले समेत सरोजबाट आफूहरु सुरक्षित नरहेको महुसस बेलाबेलामा गर्दै आएको सुनाएका छन ।
इलाका प्रहरी कार्यालय रुद्रपुरले घटनास्थलमा पुगेर हत्याको मुचुल्का तयार गरि स्थानीयसंग घटनाको बिषयमा सोधपुछ गरेको थियो ।
स्थानीय बासिन्दाले सरोज मानसिक रोगी समेत रहेको र धेरै पहिलेदेखि दुव्र्यसनीमा समेत संलग्न रहेको बताएका छन ।
घटनास्थलबाट प्रहरीले काटिएको अवस्थामा एउटा हातको बुढी औला र दुईवटै आँखा फुटालेको अवस्थामा शव सहित धारिलो हँसिया बरामद गरेको छ ।