नेपाली कांग्रेसका वरिष्ठ नेता शेखर कोइरालाले चुनावपछि महाधिवेशन गरेको खण्डमा कांग्रेसको हालत खतम हुने बताउनु भएको छ । बिहीबार सुर्खेत विमानस्थलमा आयोजित पत्रकार सम्मेलनमा बोल्दै कोइरालाले सो कुरा बताउनु भएको हो ।
पत्रकार सम्मेलनमा कोइरालाले भन्नुभयो– ‘नेपाली कांग्रेस पुरै संस्थापन पक्ष हो । हामी सबै एउटै हो । कांग्रेसको विधान अनुसार समयमा महाधिवेशन गरौँ भनेको छु । महाधिवेशन समयमै गर्नुपर्छ । चुनावपछि महाधिवेशन गरेको खण्डमा कांग्रेसको हालत खतम बन्छ ।’
उहाँले यो पटकको महाधिवेशनमा आफू सभापतिका लागि अघि बढेको सङ्केत गर्दै भन्नुभयो– ‘म सभापतिको उम्मेदवार हो भनिसकेको छु ।’
अहिले देशको अवस्था निकै नाजुक रहेको बताउँदै उहाँले हामी सबैले निकै गम्भीर भएर अगाडि बढ्नुपर्ने अवस्था आएको उल्लेख गर्नुभयो ।
नेता कोइरालाले भन्नुभयो –‘हैन भने देश अप्ठ्यारोमा जान्छ । यो देशमा सुशासन छँदै छैन ।अहिलेको गठबन्धनले ७ बुँदे समझदारी गरेको स्मरण गराउँदै उहाँले तर त्यो कार्यान्वयन नभएको उहाँको भनाई छ ।
नेता कोइरालाले पछिल्लो समय दुई ठुला दल मिले निरंकुशता हुन्छ भन्ने प्रसङ्गप्रति कुरा राख्दै हामीले खबरदारी पनि गरेका छौ, सबैतिर खबरदारी गर्नुपर्छ भन्नुभयो ।
प्रतिक्रिया
सम्बन्धित खवर
