सैनामैना नगरपालिका वडा नं ६ कलौनीमा रहेको सहिद नारायण पोखरेल रामापुर क्याम्पसमा शुक्रबार हाजिरी जवाफ प्रतियोगिता सम्पन्न भएको छ ।
अन्तरमावि विद्यालय स्तरीय हाजिरी जवाफ प्रतियोगितामा सैनामैनाका सामुदायिक र संस्थागत गरि १० विद्यालयको सहभागिता रहेको थियो ।

सैनामैना नगरपालिका उपप्रमुख बिना रानाको प्रमुख आतिथ्यतामा भएको प्रतियोगितामा सैनामैना पर्रोहा परमेश्वर विद्यालय प्रथम भएको छ भने दोश्रो लुम्बिनी ज्ञान निकेतन कञ्चन र तेश्रो रामापुर माध्यमिक विद्यालय हुन सफल भएका छन ।

क्याम्पस प्रमुख हेमबहादुर थापाको अध्यक्षतामा भएको कार्यक्रममा क्याम्पस व्यवस्थापन समितिका अध्यक्ष यदुलाल पन्थको विशेष आतिथ्यता रहेको थियो भने स्वागत प्राध्यापक दिनेश पन्थी र कार्यक्रमको संचालन प्रकाश खनालले गर्नुभएको थियो ।
यसअघि क्याम्पसले प्रतिभा सप्ताह कार्यक्रम सुरु गरिसकेको छ । क्याम्पसको आउदै गरेको वार्षिकोत्सबको अवसर पारी खेल सप्ताह सुरु गरेको हो ।