मुर्गिया फुटवल क्लवको आयोजनामा मुर्गियामा भैरहेको सुनगाभा सैनामैना गोल्डकप फुटवल प्रतियोगिताको फाईनल खेल बुधबार हुँदैछ ।

बुधबारको फाईनल खेल नेकपा माओवादीका अध्यक्ष पुष्पकमल दाहाल प्रचण्डको प्रमुख आतिथ्यतामा हुने खेल संयोजक अशोक खडकाले जानकारी दिनुभयो
क्लवका अनुसार बुधबारको फाईनल खेल सहितको समापन कार्यक्रम दिउँसो एक बजेदेखि मुर्गिया रंगशालामा हुनेछ ।
यसैबीच खेल प्रतियोगिताको ट्रफी मंगलवार सार्वजनिक गरिएको छ ।
बुधबारको फाईनल खेल कपिलवस्तु ११ र अभिषेक चर्च रजहर नवलपुरबीच हुनेछ । कपिलवस्तु ११ ले महाबीर क्लब काठमाण्डौं र अभिषेक चर्च रजहर नवलपुरले आयोजक मुर्गिया फुटवल क्लवलाई पराजित गरि फाईनलमा प्रवेश गरेका हुन ।
१० टिमले भाग लिएको खेल प्रतियोगितामा पहिलो स्थान हासिल गर्ने टिमले नगद ७ लाख रुपैयाँ ट्रफी, मेडल र प्रमाणपत्र र दोश्रो स्थान हासिल गर्ने टिमले नगद ४ लाख रुपैयाँ ट्रफी, मेडल र प्रमाणपत्र प्राप्त गर्नेछन् ।