सैनामैना नगरपालिका वडा नंं १० झिमझिमिया स्थित प्याराडाइज ईङ्गलिस स्कुलको नतिजा प्रकाशन तथा पुरस्कार वितरण कार्यक्रम शुक्रबार सम्पन्न भएको छ । शैक्षिक सत्र २०८१ को कक्षा ७ सम्मको बार्षिक नतिजा सार्वजनिक गरी विभिन्न विधामा उत्कृष्ट विद्यार्थीहरुलाई पुरस्कृत गरिएको हो ।

कार्यक्रमका प्रमुख अतिथी सैनामैना नगरपालिका वडा नं. १० का वडा अध्यक्ष कृष्णप्रसाद घिमिरेले प्याराडाइज ईङ्गलिस स्कुलले शैक्षिक क्षेत्रमा उल्लेखनीय योगदान दिएको उल्लेख गर्दै आगामी दिनमा विद्यालयको शैक्षिकप्रगति अझै बढ्नेमा आफू विश्वस्त रहेको बताउनुभयो ।

कार्यक्रम विद्यालय व्यवस्थापन समितिका अध्यक्ष शान्तबहादुर पुनको अध्यक्षतामा सम्पन्न कार्यक्रममा विद्यालयका शिक्षक, शिक्षिका, विद्यार्थी तथा अभिभावकको भब्य उपस्थिती रहेको थियो ।

कार्यक्रममा प्रिन्सीपल सौगात भट्टराईले विद्यालयको शैक्षिक गतिविधिका बिषयमा प्रकाश पार्नुभएको थियो । कार्यक्रममा विद्यालयका शिक्षक इश्वरीप्रसाद खनालले स्वागत गर्नुभएको थियो ।
यसअघि बिहिबार हुने भनिएको कार्यक्रम शुक्रबारलाई सारेको विद्यालयले जनाएको छ ।