प्रतिनिधिसभाको बैठक आज, प्रधानमन्त्रीले प्रश्नको जवाफ
काठमाडौं, जेठ ६
संघीय संसद्को प्रतिनिधिसभा आज बस्दैछ। संसद् सचिवालयका अनुसार बैठक बिहान ११ बजे नयाँ बानेश्वरस्थित संसद् भवनमा सुरु हुनेछ।
आजको बैठकमा प्रधानमन्त्री केपी शर्मा ओलीले सांसदहरूले सोधेका प्रश्नहरूको जवाफ दिने कार्यसूची रहेको छ। प्रतिनिधिसभा नियमावली, २०७९ को परिच्छेद ९ बमोजिम सांसदहरूले उठाएका जिज्ञासामा प्रधानमन्त्रीले प्रतिक्रिया दिनेछन्।
साथै, पूर्वाधार विकास समितिका सभापति दीपकबहादुर सिंहले ‘पूर्वाधार विकास समितिको वार्षिक प्रतिवेदन, २०८१’ पेस गर्ने सम्भावित कार्यसूची रहेको संसद् सचिवालयका महासचिव पद्यप्रसाद पाण्डेयले जानकारी दिएका छन्।
त्यसैगरी, भूमि व्यवस्था तथा गरिबी निवारणमन्त्री बलराम अधिकारीले ‘भूमिसम्बन्धी केही नेपाल ऐनलाई संशोधन गर्ने विधेयक, २०८२ माथि विचार गरियोस्’ भन्ने प्रस्ताव पनि प्रस्तुत गर्ने कार्यक्रम रहेको छ।
आजको बैठकले संसद्को विधायी कामलाई अगाडि बढाउने अपेक्षा गरिएको छ।
प्रतिक्रिया
सम्बन्धित खवर
