रुपन्देहीको सैनामैना नगरपालिका वडा नं. १० मा रहेको विश्व शान्ति युवा क्लबले फुटवल खेलाडी एरोन थापा मगरलाई सम्मान गरेको छ । शनिवार सालझण्डीमा आयोजित खेलाडी सम्मान कार्यक्रममा अन्डर २३ राष्ट्रिय फुटवल टिममा पर्न सफल एरोन थापा मगरलाई सम्मान गरिएको हो ।

सम्मान कार्यक्रमको अवसरमा क्लबका सदस्यहरु, सल्लाहकार, पूर्व अध्यक्षहरु लगायत क्लबका सदस्यहरूले खेलाडी एरोन थापा मगरलाई सम्मान सम्मान गरिएको हो ।

विश्व शान्ति युवा क्लबका कार्यबाहक अध्यक्ष रेजिन श्रेष्ठको अध्यक्षतामा भएको कार्यक्रममा प्रमुख अतिथि सैनामैना नगरपालिका वार्ड नं १० का वडा अध्यक्ष कृष्णप्रसाद घिमिरेले खेलाडीहरु राष्ट्रका गहना हुन भन्दै एरोन थापा राष्ट्रिय टिममा पर्न सफल हुनुले सैनामैनाको गौरव बढेको महसुस भएको बताउनुभयो ।

उहाँले एरोन थापा मगरलाई आगामी दिनमा फुटवल खेलमा लागेर देश र सैनामैनाकै नाम राख्न सफलता मिलोस भन्ने शुभकामना समेत दिनुभयो ।