ग्यास लिएर जादै बुटवलका स्थानियहरु

२९, साउन

बुटवलमा दैनिकजसो सयौं सिलिण्डर ग्यास वितरण भैरहेको छ तर पनि अभाव नहटेपछि कृतिम अभाव र कालोबजारी नगर्न प्रशासनले व्यवसायी र विक्रेताहरुसंग आग्रह गरेको छ ।ग्यास अभाव भएको भन्दै बुटवलमा तीन दिनअघि नौंसय ग्यास सिलिण्डिर वितरण गरिएको थियो भने विहिवार पनि एकैदिन नौंसय सिलिण्डर ग्यास वितरण गरिएको छ ।

त्यसैगरी ग्यास डिलरहरुमार्फत दैनिक सयौं सिलिण्डर ग्यास उपभोक्ताको घर घरमा पुगेको छ तरपनि ग्यास अभाव रोकिएको छैन ।ग्यास वितरण गर्दा पनि अभाव देखिएपछि उपभोक्ता हित संरक्षण मञ्च रूपन्देहीले खाना पकाउने एलपी ग्यासको कृतिम अभाव र कालोबजारी नगर्न सम्बन्धित व्यवसायी तथा विक्रेतालाई आग्रह गरेको छ ।मञ्चले ग्यासको मौज्दात लुकाउने तथा उपभोक्तालाई अनावश्यक दुःख दिने कार्य कानुन विपरीत भएकाले त्यस्ता गतिविधि तत्काल रोक्न उपभोक्ता हित संरक्षण मञ्च रूपन्देहीको आग्रह छ ।

यता विहिवार लुम्बिनी बाणिज्य क्याम्पसको बाहिर नेपाल आयल निगम लिमिटेड लुम्बिनी प्रादेशिक कार्यालय भलवारी रुपन्देहीले विभिन्न कम्पनीका नौं सय सिलिण्डर ग्याँस वितरण गरेको छ ।
बुटवलमा विहानैदेखि गर्मीको बीचमा पनि उपभोक्ताहरु ग्यास खरिद गर्न लाईन बसेका थिए ।आयल निगमले ज्येष्ठ नागरिक, महिला र विद्यार्थीलाई विशेष ग्राह्यता दिएर ग्याँस वितरण गरेको हो । विहिवारपनि त्रिशुल, सिद्धनाथ, बुटवल, सिद्धार्थ, लुम्बिनी, जानकी लगायत नौंवटा कम्पनीका नौंसय ग्यास वितरण गरिएको छ ।